قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى  №107

2015 جىلعى 18 اقپان, استانا قالاسى كەدەن وداعىنىڭ كەدەندىك شەكاراسىمەن تۇسپا-تۇس كەلەتىن قازاقستان رەسپۋبليكاسىنىڭ مەملەكەتتىك شەكاراسىندا ينفەكتسيالىق جانە پارازيتتىك اۋرۋلاردىڭ اكەلىنۋىن جانە تارالۋىن سانيتاريالىق-كارانتيندىك باقىلاۋدى جۇزەگە اسىرۋ جانە قازاقستان رەسپۋبليكاسىنىڭ شەكاراسى مەن اۋماعىن سانيتاريالىق قورعاۋدى قامتاماسىز ەتۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 21-بابىنىڭ 2-تارماعىنا سايكەس بۇيىرامىن: 1. قوسا بەرىلىپ وتىرعان كەدەن وداعىنىڭ كەدەندىك شەكاراسىمەن تۇسپا-تۇس كەلەتىن قازاقستان رەسپۋبليكاسىنىڭ مەملەكەتتىك شەكاراسىندا ينفەكتسيالىق جانە پارازيتتىك اۋرۋلاردىڭ اكەلىنۋىن جانە تارالۋىن سانيتاريالىق-كارانتيندىك باقىلاۋدى جۇزەگە اسىرۋ جانە قازاقستان رەسپۋبليكاسىنىڭ شەكاراسى مەن اۋماعىن سانيتاريالىق قورعاۋدى قامتاماسىز ەتۋ قاعيدالارى بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى ء(ا.ب. ماتىشەۆ) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاس­تىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق ەكونوميكا ۆيتسە-ءمينيسترى ت.م. جاقسىلىقوۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ە.دوساەۆ «كەلىسىلگەن» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ___________ ت. دۇيسەنوۆا 2015 جىلعى 19 اقپان قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 18 اقپانداعى №107 بۇيرىعىمەن بەكىتىلگەن كەدەن وداعىنىڭ كەدەندىك شەكاراسىمەن تۇسپا-تۇس كەلەتىن قازاقستان رەسپۋبليكاسىنىڭ مەملەكەتتىك شەكاراسىندا ينفەكتسيالىق جانە پارازيتتىك اۋرۋلاردىڭ اكەلىنۋىن جانە تارالۋىن سانيتاريالىق-كارانتيندىك باقىلاۋدى جۇزەگە اسىرۋ جانە قازاقستان رەسپۋبليكاسىنىڭ شەكاراسى مەن اۋماعىن سانيتاريالىق قورعاۋدى قامتاماسىز ەتۋ قاعيدالارى 1. جالپى ەرەجەلەر 1. وسى كەدەن وداعىنىڭ كەدەندىك شەكاراسىمەن تۇسپا-تۇس كەلەتىن قازاقستان رەسپۋبليكاسىنىڭ مەملەكەتتىك شەكاراسىندا ينفەكتسيالىق جانە پارازيتتىك اۋرۋلاردىڭ اكەلىنۋىن جانە تارالۋىن سانيتاريالىق-كارانتيندىك باقىلاۋدى جۇزەگە اسىرۋ جانە قازاقستان رەسپۋبليكاسىنىڭ شەكاراسى مەن اۋماعىن سانيتاريالىق قورعاۋدى قامتاماسىز ەتۋ قاعيدالارى (بۇدان ءارى — قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنە جانە كەدەن وداعى كوميسسياسىنىڭ 2010 جىلعى 28 مامىرداعى № 299 شەشىمىمەن بەكىتىلگەن كەدەن وداعىنىڭ كەدەندىك شەكاراسىنان وتەتىن ادامدار مەن كولىك قۇرالدارىنا, كەدەن وداعىنىڭ كەدەندىك شەكاراسى ارقىلى جانە كەدەن وداعىنىڭ كەدەندىك اۋماعىندا وتەتىن باقىلاۋداعى تاۋارلارعا مەملەكەتتىك سانيتاريالىق-ەپيدەميولوگيالىق قاداعالاۋدى (باقىلاۋدى) جۇزەگە اسىرۋ ءتارتىبى تۋرالى ەرەجەگە (ودان ءارى – ەرەجە) سايكەس ازىرلەنگەن جانە كەدەن وداعىنىڭ كەدەندىك شەكاراسىمەن تۇسپا-تۇس كەلەتىن قازاقستان رەسپۋبليكاسىنىڭ مەملەكەتتىك شەكاراسىندا ينفەكتسيالىق جانە پارازيتتىك اۋرۋلاردىڭ اكەلىنۋىن جانە تارالۋىن سانيتاريالىق-كارانتيندىك باقىلاۋ جانە قازاقستان رەسپۋبليكاسىنىڭ شەكاراسى مەن اۋماعىن سانيتاريالىق قورعاۋدى قامتاماسىز ەتۋ ءتارتىبىن ايقىندايدى. 2. سانيتاريالىق-كارانتيندىك باقىلاۋ – ادامداردىڭ جانە جۇكتەردىڭ كەدەن وداعىنىڭ كەدەندىك شەكاراسىمەن تۇسپا-تۇس كەلەتىن قازاقستان رەسپۋبليكاسىنىڭ مەملەكەتتىك شەكاراسى ارقىلى ءوتۋى كەزىندە ەل اۋماعىنا ينفەكتسيالىق جانە پارازيتتىك اۋرۋلاردىڭ, سونداي-اق ادام دەنساۋلىعىنا الەۋەتتى قاۋىپتى زاتتاردى جانە ونىمدەردىڭ اكەلىنۋىنە جول بەرمەۋ ماقساتىندا وتكىزىلەتىن, جۇكتەردىڭ سانيتاريالىق-ەپيدەميولوگيالىق جاعدايىن جانە ادامداردىڭ دەنساۋلىق جاعدايىن باقىلاۋ. 3. قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندەگى سانيتاريالىق-كارانتيندىك باقىلاۋ قازاقستان رەسپۋبليكاسىنىڭ شەكاراسى مەن اۋماعىن سانيتاريالىق قورعاۋدىڭ قۇرامداس بولىگى بولىپ تابىلادى. 4. قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە حالىق دەنساۋلىعىنا قاۋىپ توندىرەتىن جولاۋشىلارعا, ەكيپاجدارعا, پويىز بريگادالارىنا, كولىك قۇرالدارىنا, جۇكتەرگە سانيتاريالىق-كارانتيندىك باقىلاۋدى جۇزەگە اسىرۋ ءۇشىن سانيتاريالىق-كارانتيندىك پۋنكتتەر ۇيىمداستىرىلادى. 5. قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ (سانيتاريالىق-كارانتيندىك پۋنكتتەردە) پۋنكتتەرىندەگى سانيتاريالىق-كارانتيندىك باقىلاۋدى حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ كولىكتەگى بولىمشەسى جۇرگىزەدى. 2. قازاقستان رەسپۋبليكاسىنىڭ شەكاراسى مەن اۋماعىن سانيتاريالىق-كارانتيندىك باقىلاۋدى جۇزەگە اسىرۋ جانە سانيتاريالىق قورعاۋدى قامتاماسىز ەتۋ ءتارتىبى 6. سانيتاريالىق-كارانتيندىك باقىلاۋ مىناداي ينفەكتسيالىق جانە پارازيتتىك اۋرۋلاردىڭ اكەلىنۋىنە جانە تارالۋىنا جول بەرمەۋ ماقساتىندا جۇرگىزىلەدى: 1) كارانتيندىك ينفەكتسيالار (وبا, تىرىسقاق, سارى قىزبا); 2) اسا قاۋىپتى ينفەكتسيالار (كونتاگيوزدى ۆيرۋستى گەمورراگيالىق قىزبالار: لاسس, ماربۋرگ, ەبولا, حۋنين, ماچۋپو, كونگو-قىرىم گەمورراگيالىق قىزباسى); 3) اۋىر ءجىتى رەسپيراتورلىق سيندروم نەمەسە اتيپيالى پنەۆمونيا; 4) پاتوگەندىگى جوعارى جاڭا كىشى تيپ تۋدىراتىن پاندەميالىق تۇماۋ (A/H1N1, A/H5N1 قۇس تۇماۋى جانە باسقا تيپتەر); 5) پارازيتتىك اۋرۋلار (بەزگەك); 6) ەرەجەگە 2-قوسىمشادا كوزدەلگەن باسقا دا ينفەكتسيالىق اۋرۋلار. 7. قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتتەرىندە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ ۋاكىلەتتى تۇلعالارى: 1) وسى قاعيدالاردىڭ 6-تارماعىندا كوزدەلگەن جانە دۇنيەجۇزىلىك دەنساۋلىق ساقتاۋ ۇيىمىنىڭ اقپاراتىنا سايكەس ينفەكتسيالىق جانە پارازيتتىك اۋرۋلار بويىنشا قولايسىز ەلدەردەن جولاۋشى جانە وزگە دە كولىك قۇرالدارى نەمەسە جەكە تۇلعالار كەلگەندە; 2) جولاۋشى جانە وزگە دە كولىك قۇرالىنىڭ ەكيپاجىنان كولىك قۇرالىندا ينفەكتسيالىق جانە پارازيتتىك اۋرۋمەن اۋىراتىن ناۋقاستىڭ نەمەسە اۋرۋعا كۇدىكتى ادامنىڭ بولۋى تۋرالى حابارلاما العاندا; 3) جونەلتۋشى, ترانزيت ەلدىڭ نەمەسە الۋشى ەلدىڭ قۇزىرەتتى ورگاندارىنان حالىقتىڭ دەنساۋلىعىنا قاۋىپ توندىرەتىن جۇكتىڭ كەلۋى تۋرالى اقپارات العاندا; 4) قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە كونتەينەرلەر مەن ليحتەرلەردىڭ اشىلۋ بەلگىسى انىقتالعاندا نەمەسە ولاردىڭ بۇتىندىگى بۇزىلعاندا; 5) كولىك قۇرالىندا وسى قاعيدالاردىڭ 6-تارماعىندا كورسەتىلگەن ينفەكتسيالىق جانە پارازيتتىك اۋرۋلاردى تاراتۋشى جاندىكتەر, كەمىرگىشتەر جانە ولگەن كەمىرگىشتەر انىقتالعاندا; 6) اۋە نەمەسە تەڭىز (وزەن) كەمەسىنىڭ بورتىندا سانيتاريالىق-ەپيدەمياعا قارسى (پروفيلاكتيكالىق) ءىس-شارالار, ونىڭ ىشىندە قازاقستان رەسپۋبليكاسىنىڭ اۋماعىن سانيتاريالىق قورعاۋدى جۇزەگە اسىرۋ بويىنشا ءىس-شارالار جۇرگىزۋدى تالاپ ەتەتىن, وسى قاعيدالاردىڭ 6-تارماعىندا كورسەتىلگەن ينفەكتسيالىق اۋرۋلارعا كۇدىكتى ادامنىڭ بولماۋى تۋرالى بەلگىلەنگەن تارتىپپەن الدىن الا اقپارات بەرىلمەگەندە; 7) حالىقارالىق تاسىمالدى جۇزەگە اسىراتىن كولىك قۇرالىندا بۇرىن جۇزەگە اسىرىلعان سانيتاريالىق-كارانتيندىك باقىلاۋ بارىسىندا قازاقستان رەسپۋبليكاسىنىڭ حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناماسىنىڭ بۇزۋشىلىعى انىقتالعاندا; 8) بۇرىن قولدانىستا بولعان جانە اۋرۋ جۇقتىرعان اۋداندارى بار ەلدەردەن نەمەسە ەپيدەميا ايماقتارىنان اكەلىنگەن ىشىندە كيىم-كەشەك, كيىم, توسەك جابدىقتارى نەمەسە تۇرمىستا قولدانىلاتىن باسقا دا زاتتار, ىدىس-اياق, ويىنشىقتار بار, بۇتىندىگى بۇزىلعان حالىقارالىق پوشتالىق جونەلتىلىمدەر انىقتالعاندا سانيتاريالىق-كارانتيندىك باقىلاۋدى جۇرگىزەدى. 8. قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە مەملەكەتتىك باقىلاۋدى جۇزەگە اسىراتىن ۋاكىلەتتى تۇلعالار جانە كولىك وبەكتىلەرىنىڭ پەرسونالى ادامدار دەنساۋلىق جاعدايىنا شاعىمدانىپ جۇگىنگەن كەزدە سانيتاريالىق-كارانتيندىك باقىلاۋدى جۇزەگە اسىراتىن ۋاكىلەتتى تۇلعالاردى دەرەۋ حاباردار ەتەدى. 9. قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە سانيتاريالىق-كارانتيندىك باقىلاۋدى جۇزەگە اسىراتىن ۋاكىلەتتى تۇلعالار قىزمەتتىك كۋالىگىن كورسەتە وتىرىپ, حالىقتىڭ دەنساۋلىعىنا قاۋىپ توندىرەتىن ەكيپاج مۇشەلەرى, جولاۋشىلار جانە جۇكتەر بار ءۇي-جايلارعا, كولىك قۇرالدارىنا كەدەرگىسىز كىرەدى. ەپيدەميولوگيالىق جاعداي ۋشىققان جاعدايدا سانيتاريالىق-كارانتيندىك باقىلاۋ بارلىق باقىلاۋ تۇرلەرىنەن (شەكارالىق, كەدەندىك جانە باسقا) بۇرىن وتەدى. 10. سانيتاريالىق-كارانتيندىك باقىلاۋدى جۇزەگە اسىراتىن ۋاكىلەتتى تۇلعالارعا اۋە كەمەلەرى ەكيپاجدارىنىڭ كومانديرلەرى, تەڭىز كەمەلەرىنىڭ كاپيتاندارى, پويىز بريگادالارىنىڭ بريگاديرلەرى مىناداي قۇجاتتار ۇسىنادى: 1) اۋە كولىگىنىڭ جالپى دەكلاراتسياسىنىڭ سانيتاريالىق ءبولىمى, تەڭىز (وزەن) كەمەسىنىڭ تەڭىزدىك مەديتسينالىق-سانيتاريالىق دەكلاراتسياسى, تەڭىز (وزەن) كەمەسىنىڭ سانيتاريالىق باقىلاۋدان وتكەندىگى تۋرالى كۋالىگى, تەڭىز (وزەن) كەمەسىنىڭ سانيتاريالىق باقىلاۋدان بوساتىلعانى تۋرالى كۋالىگى, تەمىر جول كولىگىندەگى سانيتاريالىق جانە رەيستىك جۋرنالدار, قاجەت بولعان جاعدايدا ۆاكتسيناتسيا تۋرالى حالىقارالىق كۋالىكتەر; 2) جولاۋشى جانە وزگە دە كولىك قۇرالىن دەزينفەكتسيا, دەزينسەكتسيا مەن دەراتيزاتسيا جۇرگىزىلگەنىن راستايتىن قۇجاتتار; 3) ەكسپورتتاۋشى ەلدىڭ قۇزىرەتتى ورگانى بەرگەن جۇكتەردىڭ قاۋىپسىزدىگىن كۋالاندىراتىن ولاردىڭ ىلەسپە قۇجاتتارى (سانيتاريالىق-ەپيدەميولوگيالىق قورىتىندى (گيگيەنالىق قورىتىندى, گيگيەنالىق سەرتيفيكات), ءتيستى (سانيتاريالىق, سايكەستىك, ساپا, دەنساۋلىق) سەرتيفيكاتتارى. 11. جەكە تۇلعالاردى (اۋە كەمەلەرىنىڭ, تەڭىز كەمەلەرىنىڭ جانە پويىزداردىڭ جولاۋشىلارىن قوسپاعاندا) سانيتاريالىق-كارانتيندىك باقىلاۋ قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە قازاقستان رەسپۋبليكاسىنىڭ اۋماعىنا ينفەكتسيالىق جانە پارازيتتىك اۋرۋلاردىڭ اكەلىنۋ جانە تارالۋ جاعدايلارىن بولدىرماۋ ماقساتىندا تۇراقتى جۇرگىزىلەدى. 12. سانيتاريالىق-كارانتيندىك پۋنكتتەردە تەپلوۆيزورلاردى, بايلانىسسىز تەرمومەترلەردى پايدالانۋ ارقىلى جەكە ادامدارعا سانيتاريالىق-ەپيدەميولوگيالىق تەكسەرۋ جانە وسى قاعيدالاردىڭ 6-تارماعىندا كورسەتىلگەن ينفەكتسيالىق جانە پارازيتتىك اۋرۋلار بويىنشا قولايسىز ەلدەردەن كەلگەن ادامدارعا, سونداي-اق كەلگەن كولىك قۇرالىنىڭ ەكيپاجىنان ينفەكتسيالىق جانە (نەمەسە) پارازيتتىك اۋرۋ سيمپتومدارى بار ناۋقاستىڭ نەمەسە وعان كۇدىكتى ادامنىڭ بولۋى تۋرالى اقپارات العان كەزدە سۇراۋ جۇرگىزىلەدى. سانيتاريالىق-كارانتيندىك پۋنكتتەردە كەزەكشىلىك اۋىسىمىنىڭ قۇرامى 2 ماماننان كەم بولماۋى ءتيىس. سانيتاريالىق-كارانتيندىك باقىلاۋدى جۇزەگە اسىراتىن ۋاكىلەتتى تۇلعالار كومانديردىڭ نەمەسە اۋە, سۋ (وزەن) كولىگى ەكيپاجىنىڭ جاۋاپتى مۇشەسىنىڭ, پويىز باستىعىنىڭ, اۆتوكولىك قۇرالى جۇرگىزۋشىسىنىڭ سۇراۋى بويىنشا كولىك جانە (نەمەسە) جول قۇجاتتارىندا كولىك قۇرالىنا سانيتاريالىق شارالار قولدانعاندىعى تۋرالى بەلگى قويادى. 13. ينفەكتسيالىق جانە (نەمەسە) پارازيتتىك اۋرۋلارمەن اۋىراتىن ناۋقاس انىقتالعان جاعدايدا حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ ۋاكىلەتتى تۇلعالارى مىناداي: 1) ناۋقاستى دەنساۋلىق ساقتاۋ ۇيىمىنا ەمدەلۋگە جاتقىزعانعا دەيىن قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتىنىڭ وقشاۋلاعىشىندا ۋاقىتشا وقشاۋلاۋ; 2) ناۋقاسپەن قارىم-قاتىناستا بولعان ادامداردى وبسەرۆاتسيالاۋدى, مەديتسينالىق ايعاقتارى بويىنشا ولاردى دەنساۋلىق ساقتاۋ ۇيىمىنا ەمدەلۋگە جاتقىزۋ; 3) بورتىندا ينفەكتسيالىق جانە پارازيتتىك اۋرۋلاردىڭ سيمپتومدارى بار نەمەسە ينفەكتسيالىق جانە پارازيتتىك اۋرۋلارعا كۇدىتى ادام انىقتالعان كولىك قۇرالىندا دەزينفەكتسيالىق ءىس-شارالاردى ۇيىمداستىرۋ بويىنشا سانيتاريالىق-ەپيدەمياعا قارسى (پروفيلاكتيكالىق) ءىس-شارالاردى جۇرگىزەدى. 14. حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان ۆەدومستۆوسىنىڭ ۋاكىلەتتى تۇلعالارى جۇزەگە اسىراتىن سانيتاريالىق-كارانتيندىك باقىلاۋ ناتيجەلەرى بويىنشا قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2011 جىلعى 20 جەلتوقسانداعى № 902 بۇيرىعىمەن بەكىتىلگەن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردىن مەملەكەتتىك تىركەۋ تىزىلىمىندە № 7424 بولىپ تىركەلگەن) سانيتاريالىق-ەپيدەميولوگيالىق تەكسەرۋ اكتىسى تولتىرىلادى, وندا قاجەتتى ىلەسپە قۇجاتتاردىڭ بولۋى, كەلگەن كولىك قۇرالىنىڭ ءتۇرى جانە باعىتى, جولاۋشىلار مەن ەكيپاج مۇشەلەرىنىڭ سانى, ينفەكتسيالىق جانە پارازيتتىك اۋرۋلارعا كۇدىكتى ناۋقاستاردىڭ بولۋى, حالىقتىڭ دەنساۋلىعىنا قاۋىپ توندىرەتىن جۇكتىڭ اتاۋى كورسەتىلەدى. 15. كەلگەن كولىك قۇرالدارىندا تاراتۋشى جاندىكتەر, كەمىرگىشتەر نەمەسە ولگەن كەمىرگىشتەر انىقتالعان جاعدايدا ءتيىستى اۋماقتارداعى جانە كولىكتەگى باس مەملەكەتتىك سانيتاريالىق دارىگەرلەردىڭ سانيتاريالىق-ەپيدەمياعا قارسى (پروفيلاكتيكالىق) ءىس-شارالاردى جۇرگىزۋ تۋرالى قاۋلىسى بويىنشا كولىك قۇرالدارى جۇكتەرىمەن بىرگە (بار بولعان جاعدايدا) دەزينفەكتسيالىق, دەزينسەكتسيالىق جانە دەراتيزاتسيالىق ىس-شارالار جۇرگىزىلەتىن سانيتاريالىق تۇراققا (سانيتاريالىق ايلاق, سانيتاريالىق الاڭ, سانيتاريالىق تۇيىق) جىبەرىلەدى. دەزينفەكتسيالاۋ, دەزينسەكتسيالاۋ, دەراتيزاتسيالاۋ اياقتالعاننان كەيىن سانيتاريالىق-كارانتيندىك باقىلاۋدى جۇزەگە اسىراتىن ۋاكىلەتتى تۇلعا كولىك قۇرالىنىڭ حالىقارالىق مەديتسينالىق-سانيتاريالىق قۇجاتىنا بەلگى قويادى جانە وڭدەلگەن كولىك قۇرالدارى جۇكتەرىمەن بىرگە (بار بولعان جاعدايدا) قازاقستان رەسپۋبليكاسىنىڭ اۋماعىنا اكەلىنەدى. 16. سانيتاريالىق-كارانتيندىك باقىلاۋدى جۇزەگە اسىراتىن ۋاكىلەتتى تۇلعالار ينفەكتسيالىق جانە پارازيتتىك اۋرۋلار بويىنشا قولايسىز ەلدەرگە باراتىن جولاۋشىلارعا جانە تۋريستىك فيرمالاردىڭ وكىلدەرىنە نۇسقاۋلار جۇرگىزەدى. كولىك قۇرالدارىنىڭ پەرسونالى جانە جۇكتەرگە جانە جولاۋشىلارعا قىزمەت كورسەتۋگە قاتىساتىن اۋەجايلار, پورتتاردىڭ جانە ۆوكزالداردىڭ قىزمەتكەرلەرى كولىكتەگى دارىگەرلىك-ۇشقىشتىق ساراپتاۋ كوميسسياسىنىڭ جانە كولىكتەگى مەديتسينالىق ۇيىمداردىڭ شتاتىنا كىرەتىن سانيتاريالىق-ەپيدەميولوگيالىق بەيىندى ماماندارى گيگيەنالىق وقۋدان جىلىنا كەمىندە 1 رەت جيىلىكپەن ءوتۋى ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 20 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10521 بولىپ ەنگىزىلدى.